Malkovru mondon de Esperanto!

Bunta kulturo

Same kiel ĉiu vivanta lingvo Esperanto havas propran kulturon. Ĝi estas neordinara, bunta kaj internacia. Krom tradukita kaj originala literaturo, en Esperanto ekzistas muziko en pluraj ĝenroj, teatro, kino.
Esperanto inspiras multajn pentristojn, skulptistojn, fotistojn por Espepanto-tematikaj kreaĵoj.
Ĉiujare aperas centoj da originale verkitaj en Esperanto kantoj.
Esperanto-muziko sekvas modernajn tendencojn – kun koncertoj tra la mondo turneas repo-kantistoj, rok-bandoj, elektronik-muzikistoj.
Samtempe kun modernaj kaj eksperimentaj ĝenroj ekzistas klasikaĵoj: tradukitaj kaj originale verkitaj en Esperanto. Popularaj teatraĵoj estas prezentataj en diversaj partoj de la mondo. Kelkaj el ili rakontas pri la feliĉa kaj tragika historio de Esperanto en diversaj tempoj kaj landoj. Teatraj trupoj ankaŭ prezentas klasikajn spektakloj kaj teatraĵojn en la modernaj kaj modaj ĝenroj.
Ĉar Esperanto estas vera internacia lingvo, ĝia kulturo pliriĉiĝas per kulturoj de diversaj popoloj. Atmosferon de Esperanto-aranĝoj buntigas naciaj dancoj, pupteatroj, kursoj de manfarado. Plej bele multnacieco riĉigas Esperanto-muzikon. Temas ne nur pri vasta tradukado al Esperanto de popolaj kantoj, sed ankaŭ pri specifaj naciaj fenomenoj, kiel franca kanzono, rusaj bardaj kantoj ktp., kiuj estas plenumataj en Esperanto.

Esperanto